Helde van die rooi tak

*Helde van die Rooi Tak* deur Karel Schoeman is 'n bewerking van Ierse sagas wat om die held Cucullin sentreer. Die verhale, oorspronklik in die 7de of 8ste eeu opgeteken, beskryf 'n bloedige wêreld deurspek met ridderlikheid, natuur-liefde en humor. Dit is verdeel in drie dele: Die Koms van Cucullin, Die Veeroof van Culne, en Die Dood van Cucullin. Dit vertel van sy jeug, hoe hy sy naam gekry het as *Hond van Cullin* deur Cullin se waghond te verslaan, die ontvoering van sy geliefde Eimer, en die tragiese dood van sy seun Conlach. Dit sluit ook die verhaal van Deirdre en die seuns van Usnach in, wat tot konflik in Ierland lei.