صوفي جي سوچن جي سرهاڻ

صوفي جي سوچن جي سُرهاڻ
صوفي غلام مصطفيٰ آثم جکراڻي

هي ڪتاب فقط شاعري نہ پر دل جي اُن روشنيءَ جو اظهار آهي، جيڪا الله پاڪ جي ياد سان دلين ۾ جرڪي ٿي. صوفي آثم جي لفظن مان نڪرندڙ محبت، فڪر، سڪ ۽ روحاني خوشبو پڙهندڙ جي اندر تائين لهندي وڃي ٿي. سندس هر شعر، الٰهي عشق جي سرهاڻ سان ڀريل آهي.
”صوفي جي سوچن جي سُرهاڻ“ اوهان کي فڪر جي اُها واٽ ڏيکاري ٿي، جتي خاموشيون به گفتگو ڪن ٿيون، ۽ دل به ذڪر جي رستي تي روانا ٿي وڃي ٿو.
ليکڪ جو تعارف، صوفي غلام مصطفيٰ آثم جکراڻي، سنڌ جي صوفي زمين مان اُڀرندڙ هڪ روشن فڪر شاعر آهي، جيڪو پنهنجن لفظن وسيلي محبت، فنا، ۽ حقيقت جي ڳولا ڪندڙ دلن لاءِ روشنيءَ جو مينار آهي. سندس شاعري، روايت ۽ جديديت جو سنگم آهي، جتي سڪ، سماءُ ۽ سڪون گڏ ملي ٿو.
پڙهندڙ لاءِ دعوت نامه ،
اِهو ڪتاب اوهان کي اوهان جي ئي اندر جي سفر تي وٺي ٿو، جتي صوفي سوچن جي سرهاڻ، الله پاڪ جي ياد ۾ لڪل سڪون بڻجي اوهان جي روح کي ڇهندي. اچو، لفظن جي ان خوشبوءَ ۾ پاڻ وڃايو.
روحاني مشاهدي ۽ فڪري سرهاڻ جو نچوڙ آهي، جيڪي صوفي آثم جي شاعريءَ وسيلي بيان ٿيا آهن.