Discours de l'estat et des grandeurs de Jesus

Le verbe diuin, la splendeur, la puissance et la gloire du pere eternel, estant enuoye au monde ; y a voulu establir vne academie saincte, vn estat de grace, vne assemblee diuine, conduitte et animee de son esprit, pour parler a la terre le langage du ciel ; pour enseigner aux hommes la science de salut ; et pour les eleuer a vne haute et sublime cognoissance de Dieu, en leur faisant cognoistre de la grandeur de son essence, de la pluralite de ses personnes, de la profondite de ses conseils, de la singularite de ses oeuures, ce que le sens humain ne leur en peut apprendre.